Palestinaku
Oleh: Buniyamin
Pongot muderu
Anak ni bedil gere mutentu
Munyapu rata bangunen ayu
Mulimak lagu iyupni kuyu
Negeri palestinaku
Israil gere muturut payu
Utok bun iuku
Nge lagu uren dengengni peluru
Mujadin kekanak yatim piatu
Urum ine gere naeh mudemu
Negeri Pelestinaku
Umah sakit gere naeh bekelmu
Tempat tidure mulipet pitu
Umah muruntuh nge taring kayu
Si syahidpeh beribu ribu
Mujadin tanoh kuburen ayu
Negeri Palestinaku
Gelep terang gere mutentu
Atu teger nge mujadi au
Meh muperak pongot sebuku
Setiep detik setiep waktu
Kekelam gere belampu
Negeri Palestinaku
Ihi bulang ihide baju
Aih giara kero gidemu
Dene mayo nge meh tumpu
Dene kuderet gere tetuju
Kalam ujud meh keliru
Negeri Palestinaku
Simuperak galip pujejangkon pumu
Sigaip gisawah talu
Sidekat petetalu bantu
Munyelamatni nyawa itungkuken ulu
Ari tank tank jongor naru
Negeri Palistinaku
Selo die murum ko urum aku
Selo mien kahe kite mudemu
Kami ari sigaip munatangan pumu
Gaip ko bele jarak ko seteru
Kati nguk sesuk nti berlembuku
Negeri Palestinaku
Ya Allah tuhen Rabbiku
Was ni sujud kami bersisu
Bermunejet kami selalu
Kati selamat mehne sudereku
Baik situe urum kekanak ayu
Negeri Palestinaku
Kampung Jawa, Senin 6/11/2023
